Monday 26 August 2019

कर्नाटकात तीन उपमुख्यमंत्री


 
🔰 कर्नाटकात विधानसभा निवडणुकीत सर्वाधिक जागा जिंकूनही सत्ता स्थापन करण्याची संधी न मिळालेल्या भाजपनं एचडी कुमारस्वामी यांचं सरकार कोसळताच राज्यात सरकार स्थापन केलं आहे.

🔰 बरं सरकार स्थापन करून नुसते थांबतील तर ते मुख्यमंत्री येडियुरप्पा कसले?

🔰आपल्या सरकारचाही कार्यकाळ अल्पावधीचा ठरू नये म्हणून येडियुरप्पा यांनी अफलातून शक्कल लढवत एक-दोन नव्हे तर तीन उपमुख्यमंत्री नेमून सरकार भोवती भक्कम तटबंदी निर्माण केली आहे.

🔰एचडी कुमारस्वामी यांच्या नेतृत्वाखालील धर्मनिरपेक्ष जनता दल आणि काँग्रेस आघाडीचं सरकार कोसळताच कर्नाटकचे मुख्यमंत्री बी.एस. येडियुरप्पा यांनी सरकार स्थापन केलं.

🔰पण कुमारस्वामी सरकारप्रमाणं आपल्याही सरकारचा कार्यकाळ अल्पावधीचा ठरू नये म्हणून त्यांनी तीन उपमुख्यमंत्री नियुक्त केले आहेत.

💢गोविंद करजोल,
💢अश्वथ नारायण आणि
💢लक्ष्मण सावदी
      यांना उपमुख्यमंत्रीपदाची शपथ देण्यात आली आहे.

🔰तसेच नवनियुक्त १७ मंत्र्यांची खाती वाटप करण्यात आली आहेत. या मंत्र्यांना एक आठवड्यापूर्वीच मंत्रिपदाची शपथ देण्यात आली होती.

🔰तीन उपमुख्यमंत्र्यांपैकी गोविंद रजोल यांच्याकडे सार्वजनिक बांधकाम आणि समाजकल्याण खातं देण्यात आलं आहे.

🔰अश्वथ नारायण यांच्याकडे उच्च शिक्षण, आयटी, औद्योगिक-विज्ञान खातं तर लक्ष्मण सावदी यांच्याकडे परिवहन खातं देण्यात आलं आहे.

🔰तर बसवराज बोम्मईंकडे गृहविभागाची जबाबदारी सोपविण्यात आली आहे. माजी मुख्यमंत्री जगदीश शेट्टार यांच्याकडे उद्योग खातं देण्यात आलं आहे.

🔰या शिवाय के. एस. ईश्वरप्पा आणि आर. अशोक या दोन्ही माजी उपमुख्यमंत्र्यांकडे क्रमश: ग्रामीण विकास, पंचायती राज आणि महसूल विभागाची जबाबदारी देण्यात आली आहे.

🔰विशेष म्हणजे सावदी हे कोणत्याही सभागृहाचे सदस्य नसताना त्यांच्याकडे उपमुख्यमंत्रीपदाची जबाबदारी देण्यात आली आहे.

सर दोराबजी टाटा

जन्म : 27 ऑगस्ट 1859
       (बॉम्बे , ब्रिटिश भारत)

मृत्यू : 3 जून 1932 (वय 72)
           (बॅड किसिंगेन , जर्मनी)

जोडीदार : मेहेरबाई भाभा
पालक : हिराबाई आणि
                   जमसेटजी टाटा
गुरुकुल : केंब्रिज युनिव्हर्सिटी
                         ऑफ बॉम्बे
व्यवसाय : उद्योजक
साठी प्रसिद्ध : संस्थापक टाटा स्टील, संस्थापक टाटा पॉवर,
संस्थापक टाटा केमिकल्स

  हे एक भारतीय व्यापारी आणि टाटा समूहाच्या इतिहासाच्या आणि विकासाची प्रमुख व्यक्ती होती . 1910 मध्ये ब्रिटीश भारतातील उद्योग क्षेत्रात केलेल्या योगदानाबद्दल त्यांना नाइट केले गेले .

💁‍♂ प्रारंभिक जीवन आणि शिक्षण

डोराब हिराबाई आणि पारसी झारोस्ट्रिस्टियन जमसेटजी नुसरवानजी टाटा यांचा मोठा मुलगा होता .

1875 मध्ये इंग्लंडला जाण्यापूर्वी टाटा यांचे प्राथमिक शिक्षण मुंबईतील प्रोप्रायटरी हायस्कूल (आताचे मुंबई) येथे झाले. तेथे त्यांचे खासगी शिक्षण घेण्यात आले. 1877 मध्ये त्यांनी केंब्रिजच्या गॉनविले आणि कैस कॉलेजमध्ये प्रवेश केला. त्यांनी सेंट जेव्हियर्स कॉलेज, बॉम्बे येथे शिक्षण सुरू ठेवले , जिथे त्यांनी 1882मध्ये पदवी मिळविली.

पदवीनंतर, दोरबने बॉम्बे गॅझेटमध्ये दोन वर्षे पत्रकार म्हणून काम केले . 1884 मध्ये, तो त्याच्या वडिलांच्या फर्मच्या सूती व्यवसाय विभागात सामील झाला. कापूस गिरणी तेथे फायदेशीर ठरू शकते की नाही हे ठरवण्यासाठी त्याला प्रथम फ्रेंच वसाहत पोंडिचेरी येथे पाठवले गेले . त्यानंतर वडिलांनी स्थापन केलेल्या एम्प्रेस मिल्स येथे कापसाचा व्यापार जाणून घेण्यासाठी त्याला नागपूरला पाठवले गेले.

👫 विवाह

दोरबजीचे वडील जमशेतजी हे व्यवसायासाठी दक्षिण भारतातील म्हैसूर राज्यात गेले होते. तसेच पारसी आणि त्या राज्याचे पहिले भारतीय महानिरीक्षक डॉ. होर्मसजी भाभा यांना भेटले होते. भाभाच्या घरी भेट देताना त्यांनी भाभाची एकुलती मुलगी तरुण मेहेरबाई यांची भेट घेतली व त्यांना मान्यता दिली. मुंबईला परतल्यावर जमशेतजींनी दोराब यांना म्हैसूर राज्यात विशेषत: भाभा परिवाराशी बोलण्यासाठी पाठवले . दोरबने तसे केले आणि मेहेरबाईशी विधिवत लग्न केले.  जोडप्याला मुलं नव्हती.

मेहेरबाई यांचे भाऊ जहांगीर भाभा नामांकित वकील झाले. ते होमी जे भाभा या शास्त्रज्ञांचे वडील होते. टाटा समूहाने भाभा यांच्या संशोधन आणि टाटा इन्स्टिट्यूट ऑफ फंडामेंटल रिसर्चसह भाभा यांनी स्थापन केलेल्या संशोधन संस्थांना भव्यपणे  वित्तपुरवठा केला.

🏭 व्यवसाय कारकीर्द

आधुनिक लोह व पोलाद उद्योगाविषयी वडिलांच्या कल्पनांच्या पूर्ततेमध्ये डोराबजींचा जवळून सहभाग होता, आणि उद्योगात वीज निर्माण करण्यासाठी जलविद्युत आवश्यक असण्यावर सहमती दर्शविली. 1907 मध्ये टाटा स्टीलची स्थापना  आणि 1911 मध्ये टाटा पॉवर ही सध्याच्या टाटा समूहाची प्रमुख संस्था असलेल्या संस्थेच्या स्थापनेचे श्रेय दोरब यांना जाते . लोह शेतात शोध घेण्यासाठी खनिज शास्त्रज्ञांसोबत वैयक्तिकरित्या दोरबजी आले असे म्हणतात आणि असे म्हटले जाते की त्यांच्या उपस्थितीने संशोधकांना अशा भागात लक्ष देण्यास प्रोत्साहित केले जे त्याकडे दुर्लक्ष केले गेले असते. दोरबजींच्या व्यवस्थापनाखाली ज्या उद्योगात एकेकाळी तीन कॉटन मिल आणि ताज हॉटेल बॉम्बेचा समावेश होता. भारतातील सर्वात मोठी खासगी क्षेत्रातील स्टील कंपनी, तीन इलेक्ट्रिक कंपन्या आणि भारतातील आघाडीच्या विमा कंपन्यांपैकी एकाचा समावेश आहे. 1911  मध्ये न्यू इंडिया अ‍ॅश्युरन्स को. लि. ची संस्थापक , ही भारतातील सर्वात मोठी जनरल विमा कंपनी आहे. जानेवारी 1910 मध्ये दोरबजी टाटा सर एड डोव्हब द्वारा सर दोराबजी टाटा बनले.

⛹ व्यवसाय नसलेले व्याज

दोरबजी यांना खेळाची आवड होती आणि ते भारतीय ऑलिम्पिक चळवळीतील प्रणेते होते. भारतीय ऑलिम्पिक असोसिएशनचे अध्यक्ष म्हणून त्यांनी 1924 मध्ये पॅरिस ऑलिम्पिकमध्ये भारतीय तुकडीला अर्थसहाय्य दिले. टाटा कुटुंब, बहुतेक बड्या उद्योजकांप्रमाणेच भारतीय राष्ट्रवादी होते पण त्यांना कॉंग्रेसवर विश्वास नव्हता कारण ते खूपच आक्रमकपणे प्रतिकूल दिसत होते. खूप समाजवादी आणि कामगार संघटनांचे खूप समर्थक होते.

⌛ मृत्यू

1931 मध्ये  मेहेरबाई टाटा यांचे रक्ताच्या आजाराने निधन झाले. त्यांच्या मृत्यूच्या काही काळानंतर, डोराबजीने रक्ताच्या आजारांकडे अभ्यास करण्यासाठी लेडी टाटा मेमोरियल ट्रस्टची स्थापना केली.

11 मार्च 1932 रोजी मेहेरबाईच्या मृत्यूच्या एक वर्षानंतर आणि स्वत: च्या थोड्या वेळापूर्वी, त्यांनी एक विश्वस्त फंड स्थापित केला जो शिक्षण आणि संशोधनाच्या प्रगतीसाठी, आपत्ती निवारणासाठी आणि "कोणत्याही प्रकारचे स्थान, राष्ट्रीयत्व किंवा पंथ न वापरता" वापरला जायचा. इतर परोपकारी हेतू हा विश्वास आज सर दोराबजी टाटा ट्रस्ट म्हणून ओळखला जातो . दोराबजींनी याव्यतिरिक्त अव्वल वैज्ञानिक आणि अभियांत्रिकी संशोधन संस्था,  इंडियन इन्स्टिट्यूट ऑफ सायन्स , बंगलोर स्थापन करण्यात सिंहाचा वाटा आहे. आज टाटा समूहाच्या अनेक संस्था उत्कृष्टपणे वेगवेगळ्या क्षेत्रात काम करतांना भारतभर दिसत आहेत.

दोराबजी वयाच्या 73 व्या वर्षी  3 जून 1932 मध्ये  किसींगेन जर्मनीं येथे मरण पावले.  त्यांना मूलबाळ नव्हते.

          🇮🇳 जयहिंद 🇮🇳

🙏 भारताच्या औद्योगिक जडणघडणीत सिंहाचा वाटा असलेल्या दोराबजी टाटा यांच्या पावन स्मृतीस विनम्र अभिवादन 🙏
                

"कलवी तोलाईकाच्ची" TV :- तामिळनाडू सरकारची विशेष शैक्षणिक दूरदर्शन वाहिनी

🔗 राज्यातल्या पहिली ते बारावीच्या विद्यार्थ्यांना फायदा व्हावा या उद्देशाने, 26 ऑगस्ट 2019 रोजी तामिळनाडू राज्य सरकारने एक विशेष शैक्षणिक दूरदर्शन वाहिनी (टीव्ही चॅनेल) सुरू केले.

🔗 "कलवी तोलाईकाच्ची" (एज्युकेशन टीव्ही) असे या वाहिनीचे नाव आहे.

🔗चेन्नई येथे राज्याचे मुख्यमंत्री के. पालानीस्वामी यांच्या हस्ते शालेय शिक्षण विभागाच्या पुढाकाराने या वाहिनीचे उद्घाटन केले गेले.

🔗या वाहिनीच्या माध्यमातून नोकरी आणि संबंधित मुद्द्यांच्या व्यतिरिक्त शालेय मुलांना उद्देशून विविध शैक्षणिक मालिका प्रस्तुत केल्या जातील. त्यामुळे विद्यार्थी आता घरून शिकू शकण्यास सक्षम होतील.

संपूर्ण मराठी व्याकरण 10 प्रश्न 27/8/2019

1) विरुध्दार्थी अर्थ लिहा. – ‘अग्रज’

   1) वंशज    2) पूर्वज      3) मनोज      4) अनुज

उत्तर :- 4

2) रिकाम्या जागी योग्य म्हण लिहा.
     काय नाही आजच्या वर्तमानपत्रात ? लेख, अग्रलेख, वृत्तांत आणि सारे काही. तरी कशाचा प्रभाव मात्र नाही. यालाच म्हणतात,
     ‘......................’

   1) बडा घर अन् पोकळ वासा        2) एक ना धड भाराभार चिंध्या
   3) गाढवापुढे वाचली गीता कालचा गोंधळ बरा होता    4) मियाँ मूठभर दाढी हातभर

उत्तर :- 2

3) ‘अल्लाची गाय’ या वाक्प्रचाराचा योग्य अर्थ सांगा.

   1) अतिशय धूर्त      2) अतिशय श्रीमंत   
   3) अतिशय गरीब    4) अतिशय भाग्यवान

उत्तर :- 3

4) ‘हालअपेष्टा सहन करण्याचा गुण’ या शब्दसमूहाबद्दल समूहदर्शक शब्द कोणता ?
   1) स्थितप्रज्ञता    2) हिंमत     
   3) तितिक्षा    4) शौर्य

उत्तर :- 3

5) खालीलपैकी शुध्द  शब्द कोणते ?

   1) चिंचा, खिंड, टिंब    2) चींच, खींड, टिंब   
   3) चिंच, खिंड, टिंब    4) चींच, खींड, टींब

उत्तर :- 3

6) मराठी वर्णमालेत एकूण किती वर्ण महाप्राण मानले जातात?

   1) 48      2) 14      3) 34      4) 12

उत्तर :- 2

7) ‘तट्टीका’ या संधीचा विग्रह करा.

   1) तत: +  टीका    2) त् + ट् + ई + का 
   3) तत् + टीका    4) त्रा + टीका

उत्तर :- 3

8) योग्य विधाने निवडा.

   अ) मूळ शब्दाला व्याकरणात प्रकृती असे म्हणतात.
   ब) प्रकृतीला प्रत्यय लागून जे रूप तयार होते त्याला विकृती असे म्हणतात.

   1) फक्त ब योग्य    2) फक्त अ योग्य   
   3) दोन्ही अयोग्य  4) दोन्ही योग्य

उत्तर :- 4

9) ‘गर्जेल तो करीत काय’ या वाक्याचे संबंधी सर्वनाम (अध्याह्यत) ओळखा.

   1) गर्जेल    2) तो      3) जो      4) काय

उत्तर :- 3

10) खालील वाक्यातील अधोरेखित शब्दांचा विशेषण प्रकार ओळखा.

      तिला बनारसी साडी शोभून दिसते.
   1) नामसाधित विशेषण    2) सार्वजनिक विशेषण
   3) समासघटित विशेषण    4) संबंध विशेषण

उत्तर :- 1

चालू घडामोडी प्रश्नसंच 26/8/2019

📌25 फेब्रुवारी 2018 रोजी पंतप्रधान नरेंद्र मोदी यांनी कोणत्या ठिकाणी 'रन फॉर न्यू इंडिया' मॅरेथॉनचे झेंडी दाखवून उद्घाटन केले?

(A) अहमदाबाद
(B) गांधीनगर
(C) सूरत✅✅✅
(D) वडोदरा

📌जागतिक तिरंदाजी युवा अजिंक्यपद 2019 या स्पर्धेमध्ये सुवर्णपदक जिंकल्यानंतर कोण भारताचा दुसरा रिकर्व्ह कॅडेट विश्वविजेता (18 वर्षाखालील) आहे?

(A) मार्कू रागिनी
(B) सुखबीर सिंग
(C) कोमलिका बारी✅✅✅
(D) दिपीका कुमारी

📌कोणत्या ठिकाणी जी-7 शिखर परिषद 2019 आयोजित केली गेली?

(A) मनामा, बहरीन
(B) बिआरिट्झ, फ्रान्स✅✅✅
(C) अबू धाबी, सौदी अरब
(D) वरीलपैकी कुठेही नाही

📌24 ऑगस्ट 2019 रोजी पंतप्रधान नरेंद्र मोदी यांनी _ येथे 200 वर्ष जुन्या श्री कृष्णा मंदिराच्या पुनर्विकासासाठी 4.2 दशलक्ष डॉलर इतका खर्च असलेल्या प्रकल्पाचे उद्घाटन केले.

(A) अबू धाबी, संयुक्त अरब अमिरात
(B) मक्का, सौदी अरब
(C) मनामा, बहरीन✅✅✅
(D) जेद्दाह, सौदी अरब

📌कोणत्या देशाने 25 ऑगस्ट 2019 रोजी नव्या “सुपर-लार्ज मल्टीपल रॉकेट लाँचर” याची चाचणी घेतली?

(A) उत्तर कोरिया✅✅✅
(B) दक्षिण कोरिया
(C) संयुक्त राज्ये अमेरिका
(D) रशिया

📌अटल पुनरुज्जीविकरण आणि शहरी पुनरुत्थान मोहीम (AMRUT) याच्या अंतर्गत ऑगस्ट 2019 च्या अखेरीस किती उद्याने विकसित केली गेली आहेत?

(A) 159
(B) 1,159✅✅✅
(C) 2,159
(D) 3,159

पृथ्वीजवळून आज जाणार १०२ मजली इमारतीइतका लघुग्रह


◾️ अमेरिकेतील 102 मजली ‘एम्पायर स्टेट बिल्डिंग’ इतक्या आकाराचा लघुग्रह शनिवारी पृथ्वीच्या जवळून जाणार आहे. त्याला ‘2006 क्यूक्यू 23’ असे नाव देण्यात आले आहे. 1870 फूट व्यास असलेल्या या लघुग्रहाची उंची 1454 फूट इतकी आहे. तो ताशी 16,740 कि.मी. वेगाने पृथ्वीजवळून जाईल.

पृथ्वीच्या तुलनेने अधिक जवळून जात असल्याने त्याच्याकडे सुरुवातीपासूनच बारकाईने नजर ठेवली जात आहे. ‘नासा’च्या प्लॅनेटरी डिफेन्स कोऑर्डिनेशन ऑफिसच्या लिंडले जॉन्सन आणि केली फास्ट यांनी सांगितले की, हा लघुग्रह जवळून जात असला तरी पृथ्वीला धडकण्याचा धोका नाही. तो 50 लाख मैल अंतरावरून पुढे निघून जाईल.

पृथ्वीच्या जवळपास एक किलोमीटरपेक्षाही अधिक मोठ्या आकाराचे असे सुमारे 900 लघुग्रह आहेत. ते या ‘2006 क्यूक्यू 3’ पेक्षाही मोठ्या आकाराचे आहेत. पुढील शंभर वर्षांच्या काळात तरी पृथ्वीला लघुग्रहाची धडक होण्याचा धोका संभवत नाही.

एसटीचे स्टेअरिंग महिलांच्या हाती, हा निर्णय घेणारे महाराष्ट्र देशातील पहिले राज्य


🔺 सध्याचे युग हे आधुनिक तंत्रज्ञानाचे असून प्रत्येक क्षेत्रात स्त्री आणि पुरुष बरोबरीने काम करताना दिसतात.

◾️सध्याचे युग हे आधुनिक तंत्रज्ञानाचे असून प्रत्येक क्षेत्रात स्त्री आणि पुरुष बरोबरीने काम करताना दिसतात. मात्र असे एक क्षेत्र आहे की ते म्हणजे एसटी महामंडळातील चालकांची जागा, यावर आजवर पुरुषांची मक्तेदारी होती. पण आता याच एसटीच्या चालक म्हणून महिलांच्या हाती स्टेअरींग असणार आहे. असा निर्णय घेणारे देशातील महाराष्ट्र राज्य पाहिले ठरले आहे. चालक आणि वाहक प्रशिक्षण पदासाठी पात्र ठरलेल्या महिलांचा परिवहन मंत्री दिवाकर रावते यांच्या हस्ते विशेष सत्कार करण्यात आला होता. त्यातील काही महिलांशी लोकसत्ता ऑनलाईनच्या प्रतिनिधीने नांदेड येथील रब्बाना ह्यातखान पठाण यांच्याशी संवाद साधला आहे.

नांदेड जिल्ह्यातील किनवट तालुक्यातील बोधडी हे गाव तीन हजाराच्या आसपास गावांची लोकसंख्या आहे. या गावांत रब्बाना ह्यातखान पठाण या राहतात. आई वडील शेती करतात. तर चार भाऊ आणि चार बहिणी असे मोठे कुटुंब आहे. त्या घरात मोठ्या असल्याने त्यांचे लहान वयातच लग्न झाले. घरी सर्व काही ठीक चालले असताना त्याच दरम्यान मुलगा झाला. त्यानंतर पतीच्या त्रासामुळे विभक्त होण्याचा निर्णय घेतला आणि मग पुढे काय करायचा असा प्रश्न निर्माण झाला.
सातवी पर्यंत शिक्षण झाले होते. आता पुढे शिक्षण घ्यायचा निर्णय घेतला. त्या निर्णयाला घरातील सर्वांनी पाठिंबा देखील मग मी यशवंतराव चव्हाण मुक्त विद्यापीठातून दहावीची परीक्षा दिली. त्यात चांगल्या मार्काने उत्तीर्ण देखील झाल्यावर बीए करण्याचे ठरविले आणि आज बीएच्या शेवटच्या वर्षाला शिक्षण घेत आहे. संपूर्ण काळ खूप कठिण होता. या दरम्यान शिवणकाम, सेक्युरीटीची काम देखील केले.

त्याच दरम्यान माझी चार ही भावंडे चार चाकी गाडी चालवित असल्याने मी देखील गाडी चालविणे शिकले होते. हे करताना घरातील कोणी ही केव्हाच अडविले नाही. पेपर मध्ये एसटी महामंडळात चालकांची जाहिरात आली. मग विचार केली की, मी आजवर गाडी चालविली आहे. आता एसटी चालवून नागरिकाची सेवा करू अशी भावना मनात निर्माण झाली आणि मनापासून इच्छा व्यक्त केली. आज चालकाचे प्रशिक्षण घेण्यास पात्र ठरले आहे. आता लवकरच एसटी चालविण्यास मिळेल याचा खूप आनंद असून चार चाकी गाडी चालविण्यास भावाकडून प्रेरणा मिळाली आहे. जरी मी या क्षेत्राकडे आली असले, तरी माझे पोलिस खात्यात जाण्याचे स्वप्न होते. पण या पुढे परीक्षा देऊन पोलीस विभागात प्रयत्न करणार असल्याची भावना त्यांनी व्यक्त केली.
त्याचबरोबर ज्या प्रकारे मी एका गावातून आलेली महिला एसटीची चालक म्हणून लवकरच जबाबदारी हाती घेणार आहे. तशी समाजातील प्रत्येक महिलांनी आव्हाने स्विकारल्यानंतर यश निश्चित मिळतं आणि कोणत्याही परिस्थितीला डगमगून जाऊ नका असे त्यांनी सांगितले.

मनमोहन सिंग यांची SPG सुरक्षा काढली


📍 देशाचे माजी पंतप्रधान मनमोहन सिंग यांची 'SPG' सुरक्षा व्यवस्था काढून घेण्याचा केंद्र सरकारने घेतला निर्णय.

👉 सगळ्या गुप्तचर यंत्रणांकडून आढावा घेतल्यानंतर यापुढे मनमोहन सिंग 'झेड प्लस' सुरक्षा देण्याचा निर्णय घेण्यात आला.

📝 *गृहमंत्रालयाने परिपत्रकात म्हटले* :

● सुरक्षेसंदर्भातील निर्णय पूर्णत: प्रोफेशनल आधारावर घेतला आहे.
● ठराविक काळानंतर सुरक्षाव्यवस्थेचा आढावा घेतला जातो.
● ही सामान्य प्रक्रिया आहे. याअंतर्गत सुरक्षा कमी करणे किंवा वाढवण्याचा निर्णय घेतला जातो.

🤔 *SPG सुरक्षा म्हणजे काय?* :

● SPG (स्पेशल प्रोटेक्शन ग्रुप) ही सुरक्षा देशातील निवडक व्यक्तींनाच दिली जाते.
● देशाच्या सर्वात महत्त्वाच्या राजकारण्यांची सुरक्षा करणारे हे उच्च दर्जाचे पथक आहे.
● आता देशातील केवळ 4 जणांच्या सुरक्षेसाठी हे पथक असेल.
● यामध्ये पंतप्रधान नरेंद्र मोदी, काँग्रेस अध्यक्ष सोनिया गांधी, खासदार राहुल गांधी आणि प्रियांका गांधी वाड्रा यांचा समावेश आहे.

💫 सरकारच्या या निर्णयावरून वाद उद्भवण्याची दाट शक्यता आहे.

बहरीनच्या तुरूंगातून 250 भारतीयांची सुटका

▪️पंतप्रधान नरेंद्र मोदी हे नुकतेच बहरिन देशाच्या दौऱ्यावर जाऊन आले. दरम्यान, त्यांच्या या दौऱ्यातून चांगले काम झाले आहे. बहरिनच्या तुरुंगात असणाऱ्या काही भारतीय कैद्यांची सुटका करण्यात येणार असल्याचे सांगण्यात येत आहे. या दौऱ्यात मोदींना बहरीनचे राजे हमाद बिन इसा बिन सलमान अल खलिफा यांच्या हस्ते 'द किंग हमाद ऑर्डर ऑफ दि रेनेसान्स' हा पुरस्कार देऊन गौरवण्यात आले.

▪️ भारत आणि बहरीन यांच्यातील द्विपक्षीय संबंध बळकट करण्यासाठी केलेल्या प्रयत्नांबद्दल शनिवारी मोदींचा सन्मान करण्यात आला आहे.

▪️पंतप्रधान नरेंद्र मोदी यांच्या बहरीन भेटीनिमित्त तिथे विविध आरोपांखाली शिक्षा भोगत असलेल्या 250 भारतीय कैद्यांना माफी देण्यात आली आहे.

▪️त्यामुळे बहरीनच्या जेलमधून 250 भारतीयांची सुटका होणार आहे. पंतप्रधान कार्यालयाच्या वतीने एक ट्‌वीट करून याबाबत माहिती देण्यात आली आहे. 'दया आणि मानवतेच्या भावनेने बहरीन सरकारने विविध आरोपांखाली शिक्षा भोगत असलेल्या 250 भारतीय कैद्यांना माफ केले आहे.

राफेलसाठी आणखी तीन वर्षांचे वेटिंग?

▪️राफेल' या बहुचर्चित लढाऊ विमानांची पहिली तुकडी यंदा सप्टेंबर महिन्यामध्ये फ्रान्सकडून भारताला मिळणार असली तरीसुद्धा भारतीय मानके आणि प्रणालीनुसार तयार करण्यात आलेली ही विमाने हवाईदलामध्ये पूर्ण क्षमतेने कार्यान्वित होण्यासाठी 2021 हे साल उजाडणार असल्याची माहिती सूत्रांनी दिली.

या विमानांची पहिली तुकडी हाती आल्यानंतर त्यांचे भारतीय वैमानिक आणि अभियंत्यांना प्रशिक्षण दिले जाईल.

आतापर्यंत तीन वैमानिक आणि दोन तांत्रिक अधिकाऱ्यांनाच या विमानाचे प्रशिक्षण देण्यात आले आहे.

सप्टेंबर महिन्यामध्ये हे विमान भारतात आल्यानंतर 2020 पर्यंत हवाई दलातील वैमानिकांच्या तीन तुकड्यांना त्यांचे प्रशिक्षण दिले जाणार आहे.

Latest post

जाणून घेऊया महत्त्वपूर्ण सामान्य माहिती

०१) महाराष्ट्रातील नेहरू स्टेडियम कोठे आहे ? - पुणे. ०२) अँल्युमिनियम हा धातू कोणत्या खनिजापासून तयार केला जातो ? - बाॅक्साईट. ०३) डाॅ.पंजाब...