Monday 8 November 2021

भारतातील पहिली ‘गती शक्ती एक्सप्रेस’ दिल्ली आणि पटना या स्थानकांना जोडणार .



🔰भारतातील पहिली ‘गती शक्ती एक्सप्रेस’ दिल्ली आणि पटना या स्थानकांना जोडणार

भारतीय रेल्वेच्यावतीने भारतातील पहिली ‘गती शक्ती एक्सप्रेस’ (01684/01683) या रेलगाडीचे अनावरण करण्यात आले आहे. ही गाडी “पीएम गती शक्ती” योजनेच्या अंतर्गत तयार करण्यात आली आहे.


🔰रलगाडीला विशेष 20 3-एसी इकॉनॉमी श्रेणीचे डबे जोडले आहेत. ही 3-एसी इकॉनॉमी कोच विशेष रेलगाडी दिल्ली (आनंद विहार टर्मिनल) आणि पटना या स्थानकांना जोडणार आहे. संपूर्ण प्रवासादरम्यान गाडी कानपूर सेंट्रल, प्रयागराज, वाराणसी, पंडित दीनदयाल उपाध्याय जंक्शन आणि दानापूर या स्थानकांवर थांबेल.


🔴“पीएम गती शक्ती” योजनेविषयी..


🔰13 ऑक्टोबर 2021 रोजी, पंतप्रधान श्री नरेंद्र मोदी यांनी देशातील पायाभूत सुविधा क्षेत्रासाठी ऐतिहासिक ठरणाऱ्या “पीएम गती शक्ती” या नावाने बहू-पद्धती संपर्कासाठीच्या राष्ट्रीय मास्टर योजनेचा शुभारंभ केला.


🔰ही योजना एकापासून ते दुसऱ्या पद्धतीच्या वाहतूक पद्धतीने लोक, वस्तूमाल आणि सेवांच्या दळणवळणासाठी एकात्मिक आणि अखंड संपर्क व्यवस्था प्रदान करेल.


🔰सर्वसमावेशकता, प्राधान्यक्रमाची निश्चिती, सुयोग्य उपयोजन, तादात्म्य, विश्लेषणात्मक, गतीशील या सहा स्तंभावर “पीएम गतीशक्ती” आधारित आहे.

No comments:

Post a Comment

Latest post

चालू घडामोडी :- 27 मार्च 2024

◆ भारत सरकारने हिंसाचारग्रस्त हैतीमध्ये अडकलेल्या भारतीयांना शेजारच्या डोमिनिकन रिपब्लिकमध्ये स्थलांतरित करण्यासाठी 'ऑपरेशन इंद्रावती&#...