Wednesday 26 February 2020

सहाय्यक प्रजनन तंत्रज्ञान  नियमन विधेयक 2020 ला मंत्रिमंडळाची मंजुरी:-

📚देशातल्या महिलांच्या कल्याणासाठीच्या सहाय्यक प्रजनन तंत्रज्ञान  नियमन विधेयक 2020 या ऐतिहासिक विधेयकाला पंतप्रधान नरेंद्र मोदी यांच्या अध्यक्षतेखाली झालेल्या  केंद्रीय मंत्रिमंडळाच्या बैठकीत आज मंजुरी देण्यात आली.

📚संसदेत सरोगसी नियमन  विधेयक 2020 सादर केल्यानंतर आणि वैद्यकीय गर्भपात सुधारणा विधेयक 2020 मंजूर  केल्यानंतर महिलांच्या संदर्भात  उचलण्यात आलेले हे ऐतिहासिक  पाउल आहे.

📚संसदेत हे विधेयक संमत झाल्यानंतर आणि  त्याचे  कायद्यात रुपांतर   झाल्यानंतर त्याच्या अंमलबजावणीची तारीख सरकार अधिसूचित करेल. राष्ट्रीय मंडळाचीही स्थापना करण्यात येईल.

📚राष्ट्रीय मंडळ, भौतिक पायाभूत संरचना ते प्रयोगशाळा, निदानासाठीची उपकरणे दवाखान्यात काम करणाऱ्या लोकांच्या कामाचा किमान दर्जा निश्चित करण्यासाठी आदर्श मार्गदर्शक तत्वे आखून देईल.

📚दवाखान्यात काम करणाऱ्या लोकांनी त्याचे पालन करायचे आहे. केंद्र सरकारकडून अधिसूचना जारी झाल्यानंतर  तीन महिन्यांच्या आत राज्ये आणि केंद्र शासित प्र्देशानी राज्य मंडळांचीआणि राज्य प्राधिकरणाची स्थापना करायची आहे.

📚राष्ट्रीय मंडळाने घालून दिलेल्या  धोरण आणि  आराखड्याचे पालन  करण्याची जबाबदारी राज्य मंडळांवर राहील.

📚लिंग निदान, मानवी  भ्रृण विक्री करणाऱ्यांसाठी  तसेच अशा बेकायदेशीर कृत्यांसाठी  एजन्सी  किंवा रॅकेट चालवणाऱ्यांसाठी  कठोर शिक्षेची तरतूद या विधेयकात आहे.

लाभ-

📚या कायद्यामुळे देशातल्या सहायक प्रजनन तंत्र सेवांचे  नियमन होईल.  संतान नसलेल्या जोडप्याला सहायक प्रजनन तंत्रज्ञान अंतर्गत नैतिक पद्धतींचा  अधिक   विश्वास  राहील.

No comments:

Post a Comment

Latest post

भारतात मुस्लिम सत्तेची स्थापना

👉 1. महंमद गझनवी :- अकराव्या शतकापासून भारतावर तुर्काची आक्रमणे होण्यास सुरुवात झाली. गझनीचा तुर्क सत्ताधीश सबक्तगीन याने भारतावर स्वार्‍या...